Индонезиядаги норозилик намойишларида 4 киши ҳалок бўлди — Associated Press
Норозилик намойишлари 25 август куни Жакартада индонезиялик депутатлар ҳар ой уй-жой харажатлари учун катта миқдорда компенсация олишлари ҳақидаги хабарлардан сўнг бошланди, дея хабар бермоқда нашр.
Мухолифат вакилларига кўра, индонезияликлар нархларнинг ошиши, солиқлар ва ишсизлик даражасининг юқорилигидан азият чекаётган бир пайтда амалдорларнинг уй-жойи учун бюджетдан қўшимча маблағлар ажратишлиши аҳоли норозилигига сабаб бўлмоқда.
Хабар берилишича, намойишчиларлар ва полиция тўқнашувлари Медан (Шимолий Суматра), Суракарта ва Магеланг (Марказий Ява), Маланг (Шарқий Ява), Бенкулу (Суматра оролидаги Бенкулу провинцияси), Пеканбару (Суматрадаги Риау провинсияси) ва Маноквари (Ғарбий Папуа) шаҳарларида ҳам қайд этилган.
Хавфсизлик кучлари намойишчиларга қарши кўздан ёш оқизувчи газ ва сув пуркагичлардан фойдаланган, намойишчилар эса ёғоч таёқлар билан қаршилик кўрсатган. Биргина Жакартанинг ўзида 951 киши ҳибсга олинган.
«Намойишчилар кеча, 29 август куни кечқурун Жанубий Сулавеси провинцияси маркази Макасар шаҳрида маҳаллий парламент биносини ёқиб юборган. Бугун эрталаб қутқарувчилар бинодан уч кишининг жасадини олиб чиққан. Яна беш киши куйиш ва суяк синиши жароҳатларини олган», дея хабар бермоқда Associated Press.
