ЕИ давлатлари ташқи сиёсат бўйича овоз бериш тамойилини ўзгартиришни муҳокама қилди
Агентликнинг хабар беришича, Европа Иттифоқига аъзо 10 та давлат Копенгагендаги ЕИ ташқи ишлар вазирлари норасмий йиғилиши арафасида иттифоқ ичида ташқи сиёсий қарорлар бўйича овоз бериш тамойилини бир овоздан қабул қилиш тартибидан малакали кўпчилик тизимига ўтказиш имконини берувчи ҳуқуқий механизмларни кўриб чиққан.
«Бу ўзгаришлар кенг қўллаб-қувватланадиган қарорларнинг айрим давлатлар томонидан блокланиши эҳтимолини бартараф этади. Бундай ҳолатларга Украинага оид ташаббусларга, хусусан, маблағ ажратишдан тортиб, мамлакатнинг Европа Иттифоқига қўшилишигача изчил қарши чиқиб келаётган Венгриянинг ҳаракатларини мисол келтириш мумкин», дея ёзмоқда Bloomberg
