Германияда маҳаллий сайловлар олдидан вафот этган номзодлари сони етти нафарга етди
Шимолий Рейн-Вестфалияда маҳаллий сайловларга қисқа вақт қолганда вафот этган Германия учун муқобил (AfD) номзодлари сони етти нафарга етди. Бу ҳақда Die Welt нашри хабар бермоқда.
Нашрнинг ёзишича, партиядан сайловда иштирок этиши керак бўлган етти нафар номзод вафот этган. Улар орасида 80 ёшли Ханс-Йоахим Кинд ҳам бор, у Ремшайднинг Кременхалл туманидаги бир мандатли сайлов округидан номзоди илгари сурилган. Эркак узоқ давом этган касалликдан сўнг табиий сабабларга кўра вафот этган.
«Энди Кременхаллда сайлов бюллетенлари ҳам қайта чоп этилиши керак ва сиртдан овоз берган сайловчилар яна овоз бериши керак», дейилади мақолада.
Журналистларнинг таъкидлашича, сиёсатчиларнинг ўлими зўравонлик билан содир бўлганлигининг белгилари йўқ.
Аввалроқ олти киши ҳалок бўлгани хабар қилинганди.
