Хитойлик олимлар инсон танасидан энергия олиш технологиясини яратди
Хитой тадқиқотчилари инсон танасининг иссиқлигидан электр энергияси ишлаб чиқарадиган янги материал – “термоэлектр каучук”ни ихтиро қилди.
Мазкур эластик материал яримўтказгичли полимерлар ва каучук асосида ишлаб чиқилган бўлиб, у тана ҳароратини электр қувватига айлантиради. Олимларнинг таъкидлашича, бу янгилик келажакда ақлли гаджетлар учун заряд манбаи бўлиши, шунингдек, электр тармоғи мавжуд бўлмаган шароитларда турли қурилмаларни ишлатишда қўл келиши мумкин.
