DW: Афғонистонда содир бўлган зилзила оқибатида ҳалок бўлганлар сони 2200 дан ошди
Нашрнинг ёзишича, вайроналар остида ҳанузгача одамлар қолган бўлиши мумкин. Айниқса, Покистон чегарасига яқин тоғли, етиб бориш қийин бўлган ҳудудларда вазият оғирлигича қолмоқда.
Қутқарувчилар офат зонасига етиб боришнинг ўзи катта муаммо эканини айтишмоқда, кўчки ва тошқинлар кўплаб йўлларни вайрон қилган. Маълумотларга кўра, 4 та қишлоқда ва 5400 дан ортиқ уйга зарар етган.
Эслатиб ўтамиз, 31 август куни содир бўлган ер силкиниши магнитудаси 6 баллни ташкил этганди, зилзила эпицентри Нангарҳор вилоятининг Жалолобод шаҳридан 27 километр узоқликда жойлашган эди.
