Украина яна «Дружба» нефт қувурига дронлар ёрдамида ҳужум уюштирди
Украина Қуролли кучлари дрон тизимлари қўмондони Роберт Бровдининг маълум қилишича, 7 сентябрга ўтар кечаси Брянск вилоятидаги «8-Н» Найтоповичи линиявий-ишлаб чиқариш диспетчерлик станциясига зарба берилган.
Эслатиб ўтамиз, 28 август куни ҳам Бровди худди шу энергетика объектига икки дрон билан ҳужум қилингани ҳақида хабар берган эди.
Украина Қуролли кучлари «Дружба» нефт қувурига аввал ҳам бир неча бор ҳужум уюштирган, бунинг оқибатида нефт етказиб бериш қисқа муддатга тўхтатилган эди. Венгрия ташқи ишлар вазири эса бундай ҳужумлардан бирини «мамлакатимиз энергетик хавфсизлигига зарба» деб атаганди.
