«Бу уруш ҳаракати»: АҚШ конгрессменининг айтишича, Россия НАТОга ҳужум қилган
Республикачи конгрессмен, АҚШ Вакиллар палатасининг Қуролли кучлар қўмитаси аъзоси Жо Уилсоннинг айтишича, Россиянинг Полшага учувчисиз самолёт ҳужуми Доналд Трамп маъмурияти зудлик билан Кремлга нисбатан қаттиқ санкциялар жорий этиши ва Украинага ҳарбий ёрдамни кучайтириши учун сабабдир.
«Президент Трамп Оқ уйда Полша президенти Навроcкийни қабул қилганидан бир ҳафта ўтмай Россия НАТО иттифоқчиси Полшага Эрон учувчисиз учоқлари билан ҳужум қилмоқда. Бу уруш ҳаракати ва биз НАТО иттифоқчиларидан уруш жиноятчиси Путиннинг эркин ва меҳнаткаш халқларга қарши давом этаётган асоссиз тажовузига тез жавоб бергани учун миннатдормиз», деб ёзди у.
