Хорватия президенти Исроил вазири билан учрашишдан бош тортди
Зоран Миланович пойтахтга расмий ташриф билан келган Исроил ташқи ишлар вазири Гидеон Саар билан учрашишни хоҳламади. Бу ҳақда Anadolu хабар берди.
«Агар мен уларнинг ҳукуматидаги бирор киши билан учрашганимда, бу Исроилнинг зўравонлиги, этник тозалашлари ва ҳарбий жиноятларини тан олишимни англатарди», деган президент.
Миланович, шунингдек, ўз ҳукуматини ҳам танқид қилиб, улар Фаластин давлатини тан олиш ўрнига Исроилнинг “уруш ва зўравонлик сиёсати”ни қўллаб-қувватлаётганини айтди.
