Дана Уайт: «Дональд Трамп менинг 25 йиллик дўстим»
UFC президенти Дана Уайт Оқ уйда Дональд Трамп билан учрашганидан сўнг муносабатлари ҳақида сўзлади.
Томонлар 2026 йилда Оқ уйда UFC турнирини ташкил этиш масаласини муҳокама қилишди.
«Биз Дональд Трампга бутун визуал концепцияни кўрсатдик ва бунинг тасдиғини олдик. Умуман олганда унга маъқул бўлди, энди эса ишга бошдан-оёқ киришяпмиз. Ҳамма ишлар бошланди.
Энди биз катта лойиҳанинг бошида турибмиз. Олдимизда катта иш турибди. Биз Трамп билан тахминан 25 йилдан бери дўстмиз. Бунинг сиёсатга ҳеч қандай алоқаси йўқ. У ростдан ҳам умрбод дўстим ва UFCнинг катта мухлиси. У президент бўлишидан анча олдин UFC турнирларини кўрарди. Фақат UFC эмас, умуман яккакурашларни яхши кўради», — деди Уайт.
