Трампнинг тарафдори Чарли Кирк ўлдирилганидан сўнг Оқ уй расмий шахслар хавфсизлигини кучайтириш учун Конгрессдан 58 миллион доллар сўради  

Bloomberg агентлик маълумотига кўра, ушбу маблағни ажратиш 30 сентябрга қадар кўриб чиқилиши кутилмоқда. Шунингдек, бу сумма зарурат туғилганда конгрессменларнинг ҳам хавфсизлигини таъминлаш харажатларини қоплашга мўлжалланган.

Доналд Трампнинг таъсирли иттифоқчиси, консерватив фаол Чарли Кирк 10 сентябр куни Юта штатидаги университетда чиқиш қилаётган вақтида суиқасд қурбони бўлган эди.