Cиттаслоw Туркия: сокин шаҳарлар сони 27 тага етди
Жанубий Кореянинг Вандо оролида Cиттаслоw Миллий Ассамблеяси бўлиб ўтди ва тадбирда Денизлининг жанубида жойлашган Чамели қишлоғи Cиттаслоw тармоғига қўшилгани эълон қилинди. Ва шу билан Туркиядаги Cиттаслоw шаҳарлари сони 27 тага етди. Бу эътироф Чамелининг атроф-муҳит ва табиий гўзалликни, шунингдек, унинг барқарор турмуш тарзи ва маданий ўзига хослигини сақлашга содиқлигини таъкидлайди. Қолаверса, у анъанавий илдизларга эга саёҳат тажрибасини излаётганлар учун мукаммал танловга айланди.
Чамели: Табиат, саргузашт ва маданият
Денизли шаҳар марказидан тахминан 110 километр жанубда жойлашган Чамели қўл тегмаган табиий гўзаллиги ва асрлар давомида шаклланган анъаналари, сокин ҳаёт тарзи билан ажралиб туради. Ям-яшил тепаликлар, майин шабадалар ва анъанавий аҳоли пунктлари уйғунлашиб, вақтнинг аста-секин оромбахш оҳангга сингиб кетадиган манзарасини яратади. Туман улуғвор қарағайлар, шитирлаган эман барглари ва доим яшил арчаларга бой ўрмонлар билан ўралган. Табиати – ям-яшил баланд тоғ ва тоғ ён бағирлари, ҳайратомуз шаршаралар ва осмонни акс эттирувчи тиниқ сув ҳавзалари. Бу кўзни қамаштирувчи гўзалликларнинг бари Чамелида.
Чамелида кўплаб очиқ ҳаво саргузаштларини топиш мумкин. Пиёда ва велоспорт йўллари улкан тоғлар ва ёрқин дарёлар бўйлаб ўтади. Бу манзара, шунингдек, фотосуратчиларга улуғвор табиатнинг ажойиб лаҳзаларини суратга олиш имконини беради. Бу гўзал маскан Туркиянинг турли бурчакларидан ва ҳатто хорижий мамлакатлардан ҳам спортчилар ҳамда шижоатли ҳаваскорларни ўзига чорлайдиган парашют чемпионатлари ва велофестивалларга мезбонлик қилади.
Чамели — анъанавий турк ҳаёт тарзига самимий бир назар ташлаш имконини беради. Бу ерда маҳаллий аҳоли ҳанузгача органик деҳқончилик ва йиғим-терим билан шуғулланади, кўп асрлик усуллардан фойдаланган ҳолда анъанавий таърифлар тайёрлайди, тўқимачилик, ёғоч ўймакорлиги билан шуғулланади ва меҳмондўстлик ҳамда жипс жамоа руҳини асраб келади. Ғаройиб тош уйлар орасида сайр қилиб, Чамели ловияси ва янги алабалик каби маҳаллий лаззатлардан татиб кўришни унутманг!
Денизли: Қадимги шаҳарлардан узумзорларгача
Денизли шаҳри Эгей, Марказий Онадўли ва Ўрта ер денгизининг чорраҳасида жойлашган бўлиб, у ерда хеттлар, фригияликлар, лидияликлар, римликлар ва шарқий римликларнинг излари мавжуд. Денизлида травертинлари билан машҳур бўлган ЮНEСКОнинг Бутунжаҳон мероси рўйхатига киритилган Ҳиераполис ҳамда Колосса, Триполис, Лаодикия, Гераклия ва Аттуда қадимий жойлар жойлашган. Шаҳар сўнгги пайтларда узумчилик анъаналари билан сайёҳларни ўзига жалб қилмоқда. Чал тумани Чал узумзор йўналиши ва шу ерда етиштириладиган маҳаллий “Чал караси” узумлари билан машҳур. Туркияда шароб учун етиштириладиган узумнинг қарийб 19 фоизини ташкил этувчи ушбу нафис нав ўзининг паст танин миқдори, юмшоқ таъми ва хушбўй аромати билан қадрланади.
Туркия: Ҳақиқий Cиттаслоw жаннати
Cиттаслоw ҳаракати глобаллашув шаҳар ҳаётини бир хиллаштириб, унинг ўзига хос қиёфасини йўқотаётгани ҳақидаги хавотирларга жавобан юзага келган ташаббусдир. Cиттаслоw шаҳарларида ҳаёт жуда сокин суради ва маҳаллий пазандачилик, меъморчилик, анъаналар ва тарих яхши сақланган.
Cиттаслоw Туркия тармоғи 2009 йилда Измирнинг Сефериҳисар туманини бу уюшмага қўшилиши билан ташкил топган бўлиб, йиллар давомида янги шаҳарлар қўшилиши билан аста-секин кенгайиб бормоқда. Бугунги кунда Cиттаслоw тармоғи бой маданий мероси билан машҳур Туркиянинг етти минтақасига ёйилган йигирма уч вилоятда жойлашган йигирма етти туманни қамраб олади. Туркиянинг “сокин шаҳарлар” сафига қуйидагилар киради: Аҳлат, Акяка, Арапгир, Чамели, Дадай, Эгирдир, Финике, Фоча, Гўкчеада, Герзе, Гойнук, Гудул, Ҳалфети, Ибради, Изник, Кемалие, Кўйжеғиз, Мудурну, Першембе, Сафранболу, Шаркой, Шавшат, Сефериҳисар, Узундере, Визе, Ялвач ва Енипазар.
