Биз қўрқардик! Ёмон қўрқардик!..

* Биз ундан қўрқардик…

«Биз уни бутун бошли бошқа бир давлатдан ўғирлаб келгандик!

Биз уни йўлдаёқ ўлдириб юборишимиз мумкин эди, аммо унинг дуойибад қилишидан қўрқдик. Чунки, унинг дуоси қабул бўладиган зотлардан эканини билардик.

Биз уни турмага ҳам тиқа олмадик, халқ кўтарилиб кетишидан қўрқдик. Чунки, уни халқ қаттиқ яхши кўришини ҳам билардик.

Биз уни узоқ вқақт уй қамоғида сақладик. Шунчалар узоқки, бу жазога ҳукм қилган Ота дунёдан ўтиб кетгандан кейин ҳам уни уй қамоғида сақлайвердик. Чунки, ҳукмни бекор қиладиган одам энди дунёда йўқ эди. Топшириқни бажармасак, у нариги дунёда ҳам бизни жазолашини билардик.

Биз уни озодликка чиқариб юбора олмасдик,халқ унга эргашиб кетиши мумкин эди. Чунки, биз унинг шундай қудратга, салоҳиятга, илмга, энг муҳими, халқ муҳаббатига эга эканини ҳам билардик.

Биз бу ишимиз билан жаҳаннам ўтида ёнишимизни билардик, аммо топшириқни бажармасак, хўжайинларимиз шу дунёнинг ўзидаёқ бизни жаҳаннам азобига гирифтор қилишларини ҳам билардик…»

Собиқ генералнинг хотираларидан.

Айтинг-чи, улар қўрққан, доим халқдан узоқ тутган бу олим ким эди?

Каримберди Турамурод