“ПСЖ” ҳужумчиси “Олтин тўп” совринини қўлга киритди
“Пари Сен-Жермен” ва Франция терма жамоаси ҳужумчиси Усмон Дембеле ўтган мавсумнинг энг яхши футболчиси деб топилиб, “Олтин тўп” совринини қўлга киритди.
28 ёшли футболчи ўтган мавсумда 37 та гол урди ва 16 та голга ассистентлик қилди. У “ПСЖ” таркибида Чемпионлар лигаси, Франция чемпионати, Франция кубоги ва Франция Суперкубогида ғолиб чиқди. Шунингдек, клублар ўртасидаги жаҳон чемпионати финалига йўлланма олди. Франция терма жамоаси билан эса Миллатлар лигасида бронза медалига сазовор бўлди.
Энг яхши ёш футболчи учун бериладиган “Копа” соврини “Барселона” ва Испания терма жамоаси ярим ҳимоячиси Ламин Ямалга насиб этди.
Йилнинг энг яхши клуби деб “ПСЖ” тан олинди. Жамоа мураббийи Луис Энрике энг яхши мураббий сифатида “Олтин тўп” билан тақдирланди. Энг яхши дарвозабон унвони эса яқинда “ПСЖ”дан “Манчестер Сити”га ўтган Жанлуиджи Доннаруммага берилди.
Аёллар футболида эса “Барселона” ярим ҳимоячиси Айтана Бонмати кетма-кет учинчи марта “Олтин тўп”ни қўлга киритди.
Маълумот учун: “Олтин тўп” соврини 1956 йилдан бери “Франс Футбол” журнали томонидан ҳар йили топширилади. 2020 йилдаги маросим коронавирус пандемияси сабаб бекор қилинганди. 2010–2015 йилларда эса соврин ФИФА билан ҳамкорликда тақдим этилган.
