Путин Тара Ридга Россия фуқаролигини берди
Россия президенти Владимир Путин АҚШ собиқ президенти Жо Байденнинг собиқ ёрдамчиси Тара Ридга Россия фуқаролигини берди. Тегишли фармон Кремл сайтида эълон қилинди, деб ёзди РБК.
Рид 1990-йилларнинг бошида Байден сенатор бўлганида унинг офисида ёрдамчи бўлиб ишлаган.
2020 йилда Байден президентликка номзодини қўйганида, Рид уни биргаликдаги фаолияти давомида содир бўлган зўравонликда айблаган эди.
Рид 2023 йилда Россияга кўчиб ўтган ва буни АҚШда таҳдидлар бўлаётгани билан изоҳлади. Кўчиб ўтгандан сўнг, у RT пропаганда телеканали билан ҳамкорлик қилди.
Умуман олганда, Россия фуқаролигини олиш учун унинг талабгори мамлакатда камида беш йил қонуний яшаган бўлиши керак.
