МДҲнинг 2030 йилгача ҳарбий ҳамкорлик концепцияси қабул қилинади
“Концепцияни 10 октябрь куни Душанбе саммитида тасдиқлаш режалаштирилмоқда. Унда МДҲ давлатларининг ўрта муддатли истиқболдаги вазифалари ҳамда қўшма ҳарбий ҳаракатлар динамикаси белгилаб олинади”, — деди МДҲ Бош котиби Сергей Лебедев.
Бугун Минскда МДҲ Қуролли кучлари штаб бошлиқлари қўмитаси йиғилиши бўлиб ўтди. Унда Россия, Беларус, Озарбайжон, Қозоғистон, Қирғизистон, Тожикистон ва Ўзбекистон ҳарбий идоралари вакиллари иштирок этди.
