Эрон ва Россия янги АЭСлар қурилиши бўйича келишув имзолади
«Росатом» ва Эроннинг Iran Hormoz компанияси жанубий Эроннинг Ҳормозгон вилоятида тўртта атом электр станцияси қуриш учун 25 миллиард долларлик шартнома тузди.
Эрон мунтазам равишда электр энергияси таъминотидаги узилишларга дуч келмоқда. Мамлакатда ҳозирда Россия томонидан қурилган, қуввати тахминан бир гигаватт бўлган ягона атом электр станцияси мавжуд. Теҳрон эса келгуси 15 йил ичида 20 гигаватт миқдорида ядровий энергия ишлаб чиқаришга эришишни режалаштирмоқда.
