Кейн Роналду ва Холанднинг рекордини янгилади
«Бавария» ҳужумчиси Харри Кейн яна бир тўпурарлик рекордини янгилади.
32 ёшли футболчи мюнхенликлар сафидаги 104-ўйинида 100-голини урди. Европанинг бешта етакчи чемпионатининг ҳеч бир футболчиси 21-аср бошидан бери янги клубида бундай тезкор равишда бундай натижага эриша олмаган, деб ёзади Bayern & Germany. Бугунги кунга қадар рекорд Криштиану Роналду ва Эрлинг Холанднга тегишли эди – улар Мадриднинг «Реал» ва «Манчестер Сити» клублари сафида мос равишда 105 ўйинда 100 та гол урган.
Жорий мавсумда Харри Кейн барча мусобақаларда 8 та ўйинда 15 та гол урди. Англиялик ҳужумчи ўнта гол билан Бундеслига тўпурарлар пойгасида яққол пешқадамлик қилмоқда.
