Лондонда ўтказилган Фаластинни қўллаб-қувватлаш намойишида деярли 500 киши ҳибсга олинди
Бу ҳақда BBC хабар бермоқда.
Нашрнинг хабар беришича, Лондон полицияси 4 октябр куни Буюк Британияда тақиқланган Palestine Action ташкилоти тарафдорларининг намойишида 492 кишини ҳибсга олди. Улардан деярли барчасига “тақиқланган ташкилот фаолиятида иштирок этиш” айблови қўйилган, яна тўрт кишига кичик ҳуқуқбузарликлар учун айбловлар эълон қилинди. Ҳибсга олинганларнинг ёши 18 дан 89 гачани ташкил этган.
Шу куни Рим, Барселона ва Мадрид шаҳарларида ҳам Фаластинни қўллаб-қувватлаш намойишлари бўлиб ўтди.
