Тошкентда иссиқ сув таъминотида беш кунлик узилишлар бўлади
Veolia Energy Tashkent компанияси сентябрь-октябрь ойларида иссиқлик тармоқларида режалаштирилган профилактика ишлари амалга оширилиши ҳақида хабар берган эди. Шу сабабли марказий иситиш тизимига эга уйларнинг аҳолиси беш кунлик иссиқ сув таъминотида узилишларга дуч келади.
Хабарда айтилишича, ушбу ишлар тизимни қишки мавсумга тайёрлаш учун зарур. «Вазиятни тушунганингиз учун миннатдорчилик билдирамиз», — дея қайд этди компания.
6−10 октябр кунлари узилишлар кузатиладиган ҳудудлар:
Мунис, Сарикўл, Эски Сарикўл, Янги Қўйлиқ, Абдурауф Фитрат, Фарғона йўли, Толлимаржон, Файзобод ва бошқа кўчалар;
Қўйлиқ-1÷7 массивлари, Қўйлиқ-Айланма;
Янги Сергели йўли, Меҳригиё, Суғдиёна, Қипчоқ, Чинар, Давлатобод, Дўстлик, Сергели 1−8А, Юлдуз 1−18;
«Водник» массиви (Ҳусайн Бойқаро кўчаси, Бектемир);
«Қурувчи» массиви (Сергели).
