“Челси” бош мураббийи жаримага тортилди

Англиянинг “Челси” жамоаси бош мураббийи Энцо Мареска “Ливерпуль”га қарши ўйинда ҳиссиётга берилиб, техник ҳудуддан чиқиб кетгани учун жазоланди. Англия футбол ассоциацияси (FA) мураббийга бир ўйинлик дисквалификация ва 8 минг фунт стерлинг жарима тайинлади.

Маълумотларга кўра, Мареска “Ливерпуль” устидан 95-дақиқадаги ғалабани нишонлаган пайтда сариқ карточка олган ва майдондан четлатилган. У айбини тан олган ҳамда жазони қабул қилган.

Шу боис у навбатдаги Премьер-лига ўйини — “Ноттингем Форест”га қарши баҳсни скамейкада эмас, трибунадан кузатади.