Украиналик йигит Бишкекдаги мактаб ўқувчиларини ўлдириш билан таҳдид қилди

@Sputnik_Kyrgyzstan хабарига кўра, Қирғизистон ИИББ унинг 2005 йилда туғилган Ярослав Овсюк эканлигини тасдиқлаган. У бундан тўрт йил аввал қозонлик фуқарони мактабга ҳужум қилишга ундашда иштирок этгани ҳам айтилган.

Йигит бу сафар Telegram’да каналлар очиб, мактабларни портлатиш билан таҳдид қилувчи видеолар тарқатган.

Бишкек шаҳар ҳокимлиги хабар беришича, шахс Қирғизистон ҳудудида топилмагани сабабли онлайн таълимга ўтиш жорий этилмаган.