Исроилга ҳужум қилишда гумонланган ХАМАС аъзоси АҚШда қўлга олинди
Фаластиннинг ХАМАС ҳаракатининг 2023 йил 7 октябрда Исроилга ҳужумига алоқадорликда гумон қилинган ғазолик фуқаро АҚШнинг Луизиана штатида қўлга олинди.
Бу ҳақда АҚШ Адлия вазирлиги маълум қилган.
Департаментнинг даъво қилишича, ўша куни гумонланувчи Маҳмуд Амин Ёқуб ал-Муҳтадий «ўзини қуроллантириб, қўшимча тарафдорлари билан ХАМАСга террорчилик ҳужумини амалга оширишда ёрдам бериш учун Исроилга ўтган».
Маҳмуд Амин Ёқуб ал-Муҳтадий 2024 йил 12 сентябрда виза олиш учун ариза топшираётганда ўзи ҳақида ёлғон маълумот берганидан сўнг АҚШга кириб келган, дейилади департамент баёнотида. Хусусан, у Фаластинни озод қилиш демократик фронти ҳарбий қаноти аъзоси эканлигини ошкор эта олмади.
2023 йил 7 октябрь куни қуролланган ХАМАС тарафдорлари Ғазо секторидан Исроил ҳудудига кириб келди. Ҳужум чегарадаги қишлоқлар аҳолисининг ўлдирилиши ва 250 дан ортиқ кишининг гаровга олиниши билан бирга бўлган. Бунга жавобан Исроил анклавда ХАМАСнинг ҳарбий ва сиёсий тузилмаларини йўқ қилиш ва барча ўғирланганларни озод қилиш мақсадида ҳарбий операция бошлади.
