АҚШда украиналик аёл ўлдирилди. Ўлим жазоси бериладими?
АҚШда 34 ёшли Декарлос Браун 23 ёшли украиналик қочқин Ирина Заруцкаяни ўлдиришда айбланмоқда. NBC News хабарига кўра, ҳакамлар ҳайъати у «атайин ўлдирганини» аниқлаган — бу эса ўлим жазосини назарда тутади.
Ирина урушдан қочиб, Украинадан АҚШга келган эди. У инглиз тилини ўрганиб, ўзига иш топганди. 22 август куни Браун жамоат транспортида унга уч марта пичоқ билан зарба берган — аёл воқеа жойида ҳалок бўлган.
Браун илгари ҳам қуролли талончилик ва ўғрилик учун судланган. У ҳужумдан кейин дарҳол қўлга олинган. Иринанинг оиласи адолат тикланишини талаб қилмоқда ва прокуратурага айблов ҳукми учун миннатдорлик билдирган.
Фожиадан кейин Шимолий Каролина губернатори «Ирина қонуни»ни имзолади — бу ҳужжат гаров пули белгиланишидан олдин хавфли шахслар синчковлик билан текширилишини талаб қилади.
