Франция полицияси Луврдаги ўғирликда гумон қилинаётганлардан икки нафарини қўлга олди
бу ҳақда Le Parisien хабар бермоқда.
Маҳаллий нашрларнинг хабар беришича, гумондорлардан бири кеча, 25 октябр куни кечқурун Париждаги Руасси–Шарл де Гол аэропортида, Жазоирга учадиган самолётга чиқаётган пайтида ушланган.
Иккинчи гумонланувчи эса Париж полицияси томонидан Сена–Сен-Дени департаментида қўлга олинган.
Улар “уюшган ўғирлик” ва “жиноят содир этиш мақсадида тил бириктириш” моддалари бўйича айбланмоқда.
Терговчиларнинг фикрича, босқинчилар сони камида тўрт нафар бўлган: икки киши “Аполлон” галереясига автокран ёрдамида кўтарилган, яна икки киши эса уларга скутерларда қочишига ёрдам берган.
