Тамаки маҳсулотларининг ноқонуний савдоси фош этилмоқда
Бош прокуратура ҳузуридаги Департаментнинг Тошкент тумани бўлими ва Божхона ходимлари ҳамкорлигида ўтказилган тезкор тадбирда фуқаро А.Р. “Гултепа” МФЙ ҳудудидаги хонадонда хорижда ишлаб чиқарилган 1 062 дона тамаки маҳсулотини сотиш мақсадида сақлаб келганлиги аниқланиб, ушбу маҳсулотлар ашёвий далил сифатида олинган.
Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.
