Туркия Россиядан нефт харид қилишни камайтирди
Ғарб санкцияларидан сўнг, Туркия Россиядан нефт харид қилишни камайтирди, деб хабар бермоқда Rauters.
Агентлик маълумотларига кўра, Туркиянинг йирик нефтни қайта ишлаш заводларидан бири – SOCAR Turkey Aegean Refinery (Озарбойжоннинг SOCAR компаниясига қарашли) декабр ойида етказиб бериладиган тўртта нефт партиясини Россиядан эмас, бошқа давлатлардан сотиб олган.
Reuters манбаларининг таъкидлашича, нефтнинг бир қисми Ироқдан харид қилинган. Яна бир партия эса – сифати жиҳатидан Россиянинг Urals нефтига ўхшаш бўлган Қозоғистоннинг KEBCO нефтидир.
Маълумот учун, Туркия Хитой ва Ҳиндистон билан бир қаторда Россия нефтининг учта энг йирик харидорларидан бири ҳисобланади.
