Орбан: «Венгрия Украинани Европа Иттифоқига қўшилишига қарши»
Венгрия Украинанинг Европа Иттифоқига қўшилишига рози эмас, аксинча, у билан стратегик ҳамкорликни таклиф қилмоқда. Бу ҳақда Венгрия бош вазири Виктор Орбан маълум қилди.
Владимир Зеленскийнинг Будапештга Киевнинг Европа Иттифоқига қўшилиши ҳақидаги позицияси туфайли қилган сўнгги ҳужумларига жавобан Орбан ижтимоий тармоқларда шундай деди:
«Сизга эслатиб ўтмоқчиманки, мамлакатнинг Европа Иттифоқига қўшилиши тўғрисидаги қарор аъзо давлатлар томонидан бир овоздан қабул қилинади. Бу ҳар бир давлат янги аъзонинг қабул қилинишини қўллаб-қувватлаш ёки унга қарши чиқиш учун суверен ҳуқуқига эга эканлигини англатади. Венгрия Украинанинг Европа Иттифоқига аъзолигини қўллаб-қувватламайди, чунки бу Европада урушга олиб келади ва Венгрия пулларини Украинага йўналтиради».
Венгрия бош вазири, шунингдек, қўшимча қилди: «Биз Европа Иттифоқи Украина билан Европа Иттифоқига аъзо бўлмаган ҳолда стратегик ҳамкорликка киришиши керак, деб ҳисоблаймиз. Бу бизнинг таклифимиз. Келажакда биз бу позицияни сақлаб қоламиз, чунки бунга тўлиқ ҳаққимиз бор».
