Россиянинг Украинага кенг кўламли ҳужумидан сўнг “Центрэнерго” компаниясининг барча ИЭСлари фаолияти тўхтади
Бу ҳақда DW хабар бермоқда.
“Центрэнерго” энергетика компаниясининг маълум қилишича, Россия 8 ноябрга ўтар кечаси иссиқлик электр станцияларига берган зарбалар 2022 йилда бошланган уруш давридаги энг йириги бўлган.
«Жуда кўп миқдордаги ракеталар ва саноғига етиб бўлмас дронлар ҳар дақиқада бир неча марта биз 2024 йилдаги вайронкор ҳужумдан кейин тиклаган ўша станцияларни нишонга олди», дейилади компания баёнотида.
“Центрэнерго” компаниясига учта иссиқлик электр станцияси тегишли: Киев вилоятидаги Трипол ИЭС, Харков вилоятидаги Змиев ИЭС ва 2022 йилнинг ёзида Россия армияси томонидан босиб олинган Донецк вилоятидаги Углегорск ИЭС.
