Украинадагилар «тарихдаги энг ёмон қиш»га тайёрланмоқда
Ҳозирнинг ўзидаёқ украинлар кунига 16 соатгача свет ўчишига дуч келишмоқда. Олдиндаги қиш Украинада деярли тўрт йиллик уруш давридаги энг оғир қишлардан бири бўлади, деб ёзади Politico ва BBC.
Журналистлар Украина ҳукумати расмийлари ва ҳар куни электр энергияси ўчирилаётган аҳоли билан суҳбатлашди.
Украина ҳукуматининг шахси ошкор этилмаган юқори мартабали мулозими BBC билан суҳбатда яқин ойлар жуда оғир бўлишини тахмин қилмоқда. «Ўйлайманки, бу тарихимиздаги энг ёмон қиш бўлади. Россия бизнинг энергиямизни, инфратузилмамизни, иситиш тизимимизни йўқ қилади. Барча давлат идоралари энг ёмон сценарийга тайёр бўлиши керак», – дейди у.
