Абу-Дабида сотувга 24 каратли олтинли шоколад чиқди
Абу-Дабида ўзига хос янги шоколад сотувга қўйилди. Бу маҳсулот ўтган йили Дубайда катта шов-шувга сабаб бўлган десерт асосида қайта яратилган эксклюзив ширинликдир.
Машҳур қандолатчи Nouel Catis томонидан тайёрланган ушбу шоколад БAA пойтахти Абу-Даби номи билан аталиб, муаллифнинг шахсий тарихига ҳам чуқур боғлиқ. Унинг сўзларига кўра, у етти-саккиз йилдан бери шу шаҳарда яшайди ва Абу-Дабини ўзининг “иккинчи уйи” деб билади. Дубайдаги муваффақиятдан кейин уста қандолатчи илҳом манбаи бўлган шаҳарга қайтиб, ўз фаолиятида янги босқич бошлаган.
Time Out Abu Dhabi’нинг ёзишича, шоколад таъми пахлава ва тузли карамель уйғунлигини эслатади. Бир донаси 105 дирҳамдан сотилмоқда.
Янги десерт таркиби учта асосий йўналишга таянади:
1. Шафран ва кардамон — минтақада кенг ишлатиладиган хушбўй зираворлар;
2. Тахина ва хурмо — маҳаллий таомлардан илҳомланган мазали қўшимчалар;
3. Ностальгик қиринди — ўзига хос текстура учун майдаланган печенье.
Барча компонентлар қалин тузли карамель қатлами билан қопланган бўлиб, десерт усти 24 каратли олтин парчалари билан безатилган.
Ширинлик нафақат таъми, балки ҳашаматли кўриниши билан ҳам эътиборни тортаётгани айтиляпти.
