Эрон Уммон кўрфазида нефт танкерини қўлга олди

Агентликнинг Пентагон вакилига таяниб хабар беришича, Эрон Уммон кўрфази бўйлаб кетаётган нефт танкерини қўлга олиб, кема Ҳўрмуз бўғозидан ўтгач, уни мамлакатнинг ҳудудий сувларига йўналтирган.

«Гап Маршалл ороллари байроғи остида ҳаракатланаётган Таlara танкери ҳақида кетмоқда. Уни қўлга олиш амалиётини Эрон Ислом инқилоби қўриқчилари корпуси амалга оширган», дея ёзмоқда Bloomberg.

Нашрнинг қайд этишича, ҳодиса Эроннинг яна савдо кемаларини қўлга олишга киришгани ҳақидаги хавотирларни кучайтирмоқда. Шунга ўхшаш сўнгги воқеа 2024 йил апрел ойида содир бўлганди, ўшанда Теҳрон минтақада Исроил билан боғлиқ контейнер ташувчи кемани ушлаб қолган эди.