Тожикистоннинг Ўзбекистондаги янги элчиси тайинланди
Тожикистоннинг Ўзбекистондаги элчиси сифатида ишлаб келган Абдужаббор Раҳмонзода лавозимидан озод этилди. Бу ҳақда “Спутник Тожикистон” нашри хабар бермоқда.
Маълум қилинишича, Абдужаббор Раҳмонзоданинг ўрнига Насриддин Исматулло тайинланган, бунгача у Тожикистон Ташқи ишлар вазирининг биринчи ўринбосари лавозимида фаолият юритган.
Дипломат ва сиёсатчиси Исматулло Насриддин 1971 йил 21 февралда туғилган. У Тожикистон Ташқи ишлар вазирлигида биринчи ўринбосар лавозимида ишлаган. Илгари у Тожикистоннинг Австрия, АҚШ ва бошқа давлатлардаги элчиси сифатида фаолият юритган.
Исматуллонинг фаолияти асосан ташқи сиёсат, хавфсизлик ва халқаро ҳамкорлик соҳаларига қаратилган.
