Японияда кичик самолёт қулаши оқибатида уч киши ҳалок бўлди
Япония жануби-ғарбидаги Фукуока префектурасида кичик самолёт ҳалокатга учради, оқибатда уч киши ҳалок бўлди.
Бу ҳақда NHK телеканали хабар бермоқда.
Самолёт Сага аэропортидан маҳаллий вақт билан тахминан 10:13 да учиб кетган. У соат 12:43 да Осака шаҳридаги Яо аэропортига етиб келиши керак эди. Парвоздан кўп ўтмай, бортдан фавқулодда сигнал узатилди, шундан сўнг алоқа узилди.
