Хитой билан алоқаларни узиш компаниялар кутганидан ҳам қийинроқ бўлиб чиқди
Bloomberg’нинг ёзишича, АҚШдаги ўйинчоқ ишлаб чиқарувчи Learning Resources компанияси ишлаб чиқаришни Хитойдан олиб чиқишга ҳаракат қилар экан, кутилмаган муаммога дуч келмоқда: заводни Хитойдан кўчириш мумкин, аммо ишлаб чиқариш занжирларидан Хитойни чиқариб ташлаш анча мураккаб экан.
🇻🇳 Вьетнам ҳозир Хитойга энг реал ва қулай алтернатив сифатида кўрилмоқда. Албатта, АҚШ Вьетнамда ишлаб чиқарилган товарларга 20% бож қўйган, лекин бу Хитойдан келадиган маҳсулотларга қўлланиладиган ўртача 31% бождан паст. Ишлаб чиқаришни Хитойдан кўчириш мумкин, лекин ишлаб чиқариш жараёнидан Хитой таъсирини бутунлай олиб ташлаш анча қийин.
📊Бугун Вьетнам жадал ривожланаётган ишлаб чиқариш маркази: ўтган йили экспорт ҳажми 405 млрд долларга етди, шу жумладан тахминан 30% АҚШга йўналтирилган. Мамлакат АҚШ билан савдо профицити бўйича Хитой ва Мексикадан кейин учинчи ўринда, йил давомида киритилган 25 млрд доллар тўғридан-тўғри инвестициянинг қарийб учдан бири хитойлик инвесторлар ҳиссасига тўғри келади.
📉Вьетнамдаги ўйинчоқ фабрикаси Хитойдаги ўхшаш корхоналарга нисбатан тахминан учдан бирга кўп ишчи ишлатади, аммо битта ишчига тўғри келадиган ҳажм 40% паст. Бунинг сабаби, Хитойдаги заводлар автоматлаштиришга анча вақтдан бери катта сармоя киритган ва тажрибали кадрлар базасига эга. Умумий ҳисобда, Вьетнамда ишлаб чиқариш харажатлари Хитойга нисбатан 10–15% юқори.
