Россияда Трамп томонидан илгари сурилган тинчлик режасининг матни бор — Владимир Путин
Россия президенти Владимир Путин Хавфсизлик кенгаши йиғилишида Қўшма Штатларнинг Украина бўйича тинчлик режасига муносабат билдирди.
Владимир Путиннинг баёнотидан асосий иқтибослар:
◾️ Москва тинчлик музокараларига тайёр, бироқ таклиф этилаётган режадаги барча тафсилотлар амалий муҳокама қилишни талаб этади;
◾️ Трампнинг Украина бўйича тинчлик режаси Аляскадаги учрашувдан олдин муҳокама қилинган. 28 банддан иборат янги режа Аляскадаги саммитдан кейин янгиланган;
◾️ АҚШ Россиядан Украина можаросини ҳал қилишда мослашувчанлик кўрсатишни сўраган;
◾️ Вашингтон ҳали ҳам урушни тугатиш учун Украинанинг розилигини ололмаяпти;
◾️ Аляска музокараларидан сўнг АҚШ томони пауза қилди, бу Украинанинг келишувларни рад этиши билан боғлиқ;
◾️ Трампни тинчлик режасининг янги таҳрири Россия билан амалда муҳокама қилинмаяпти;
◾️ Украина ва унинг иттифоқчилари Россияга стратегик мағлубият етказишни орзу қилишмоқда;
◾️ АҚШ Украина бунга қарши бўлгани учун Россия билан тўғридан тўғри тинчлик режасини муҳокама қилмаяпти;
◾️ Купянск аллақачон Россия назорати остига ўтган. Киев ва “Европанинг уруш қўзғатувчилари” Купянсдаги воқеалар фронтнинг бошқа участкаларида ҳам такрорланишини тушуниб етишлари керак.
