Қирғизистонда мухолиф сиёсатчиларга нисбатан кенг кўламли тинтув ва сўроқлар ўтказилди
The Insider: Қирғизистонда мухолиф сиёсатчиларга нисбатан кенг кўламли тинтув ва сўроқлар ўтказилди, собиқ президентнинг оила аъзолари қўлга олинди.
Нашрнинг хабар беришича, камида 8 нафар шахснинг уйларида тинтувлар ўтказилган. Шунингдек, амалдаги президент Сaдир Жапаровни тез-тез танқид қилиб келаётган собиқ президент Алмазбек Атамбаевнинг оила аъзолари қўлга олинган.
«Ҳуқуқни муҳофаза қилувчи органларнинг барча ҳаракатлари расман битта жиноят иши “оммавий тартибсизликка чақириқлар” билан боғланган. Барча ҳаракатлар бир модда билан умумлаштирилган бўлса-да, операциялар миқёси, қўлга олинган сиёсатчилар сони, уларни оила аъзоларининг ушланиши кенг жамоатчиликда катта резонансга сабаб бўлди», дейилади The Insider хабарида.
Қўлга олинганларнинг кўпчилиги амалдаги ҳукуматни танқид қилган ёки мухолифат билан боғлиқ деб ҳисобланган сиёсатчилардир. Уларнинг яқинлари буни “сиёсий босим” деб атамоқда.
