Уйма-уй дарс берадиган ўқитувчиларга йўлкира пули берилади

Ҳукуматнинг тегишли қарорига кўра, бир хил ёшдаги ва бир манзилда яшовчи 2 ёки ундан ортиқ ўқувчини уйма-уй шаклида ўқитган ўқитувчиларга ҳар ойда БҲМнинг 1 баравари миқдорида йўл компенсацияси тўланади.

Бунда ўқувчининг уйи билан мактаб ўртасидаги масофа камида 1,5 км бўлиши белгиланган.

Шунингдек, ўқитувчиларга тўланадиган компенсация уларнинг ой давомида амалда ўтган дарс соатларига қараб ҳисобланади.