Фурқат тумани ИИБнинг собиқ бошлиғи ва унинг ўринбосари қамалди
Фурқат тумани ИИБнинг собиқ бошлиғи Акмал Хўжаев ва унинг ўринбосари Жасур Расулов суд ҳукми билан 4 йилга озодликдан маҳрум этилди.
Улар шунингдек, 3 йилга ички ишлар органларида ишлаш ҳуқуқидан маҳрум қилинди. Ҳукм эълон қилингач, ҳар иккиси суд залиданоқ қамоққа олинди.
Суд маълумотларига кўра, улар Жиноят кодексининг бир нечта моддалари — 141-3, 142, 206, 230-2 ва 234-моддаларда назарда тутилган жиноятларда айбли деб топилган.
Жазони манзил-колонияларда ўтайдилар. Жабрланувчиларга фуқаролик судига мурожаат қилиш ҳуқуқи тушунтирилган.
