Goal: «Олтин тўп-2026» рейтинги янгиланди

Нуфузли Goal портали журналистлари жума куни 2026 йилда «Олтин тўп»ни қўлга киритиш бўйича янги рейтингни эълон қилди.

Рейтингнинг биринчи поғонасидан «Бавария» ҳужумчиси Харри Кейн жой олди. Бу мавсумда у 19 та ўйинда 24 та гол урди.

Иккинчи ўринда «Реал» сафида мавсумда 18 та ўйинда майдонга тушиб, 22 та гол урган ҳужумчи Килиан Мбаппе қайд этилган. Кучли учликни Эрлинг Холанд якунлаб берди – норвегиялик ушбу мавсумда «Манчестер Сити»нинг 17та ўйинида 19та гол урган.

Ундан кейинги ўринларни Деклан Райс, Ламин Ямал, Витинья, Майкл Олисе, Луис Диас, Эстевао ва Ашраф Ҳакимий эгаллади.

Эслатиб ўтамиз, 2025 йилда «Олтин тўп»ни «ПСЖ» ҳужумчиси Усмон Дембеле қўлга киритган эди.