Киевда 500 мингдан ортиқ одам электрсиз қолди
Украина Молия вазирлиги маълумотига кўра, шанба тунги ракета ва дрон ҳужумлари натижасида Киев ва Киев, Чернигов, Сум, Полтава ҳамда Харьков вилоятларидаги энергетика объектлари зарарланди.
Киевда 500 мингдан ортиқ аҳоли, Киев вилоятида 100 мингдан зиёд, Харьков вилоятида эса 8 мингга яқин истеъмолчи электрсиз қолди.
Барча ҳудудларда соатма-соат электр таъминоти чекловлари жорий қилинган, саноат ва бизнес учун қувват чекловлари давом этмоқда.
ДТЭК компанияси хабар беришича, Киевнинг Оболон, Соломенка, Шевченко, Подол, Голосеев ва Святошин туманларида аҳоли электрсиз. Россия ҳужумни ҳали расман изоҳламаган.
Шу вақтда Курск вилояти губернатори Александр Хинштейн Украинанинг зарбаси натижасида Рыльск туманидаги энергетика объектлари зарарланганини ва 600 одам электрсиз қолганини маълум қилди.
