Самарқанддаги тўйда келиннинг онаси пулга ўралди
Ижтимоий тармоқларда Самарқандда бўлиб ўтган тўйлардан бирида олинган видео тарқалди. Бу ҳақда Upl.uz хабар беради.
Видеода келиннинг онаси ноодатий тарзда пул билан безатилган кийимда кўрсатилган. Видеони жойлаштирганлар келиннинг онасини пул билан «кийинтиришганини» таъкидлаган.
Аёл пул купюраларини кийимининг бир қисми сифатида ишлатган. Мазкур видео ижтимоий тармоқларда кўплаб танқидларга сабаб бўлди.
Айрим фойдаланувчилар бу каби ҳаракатлар мамлакат обрўсига путур етказишини ва бунга қарши жазо чоралари кўриш кераклигини айтишди. Таъкидлаш жоизки, ўзбек тўйларида меҳмонлар ва тадбир эгаларининг пул ёғдириши одатий ҳолат саналади.
Аммо эндиликда купюралар услубий элемент сифатида ишлатилмоқда.
