«Кадишева бозори»да яна ёнғин чиқди
Яшнобод туманида рўй берган ёнғин тўғрисида маълумот берилди.
Бугун, 4 январь соат 19:19 да “112” тизими орқали Тошкент шаҳар, Яшнобод тумани, Авиасозлар кўчасида жойлашган “Авиасозлар деҳқон бозори” АЖ ҳудудидаги дўконларнинг бири ёнаётганлиги тўғрисида ФВББга хабар келиб тушган.
Шунга кўра, 4 та ёнғин-қутқарув бўлинмаси соат 19:24 да воқеа жойига етиб бориб, ёнғин соат 19:29 да қуршаб олинган ва соат 19:34 да ўчирилган.
Ёнғин оқибатида дўконнинг тахминан 20 кв.м. майдонда ички ва шифт қисми ёниб зарарланган.
Ёнғин оқибатида тан жароҳати олганлар тўғрисида маълумот келиб тушмаган.
Ҳозирда ёнғин сабаби ва зарари аниқланмоқда.
