Орбан: «Венесуэладаги воқеалар нефть нархининг ошишига олиб келиши мумкин»
АҚШ президенти Николас Мадурони қўлга олиш учун махсус операция ўтказган Венесуэладаги воқеалар жаҳон бозорларида нефть нархининг ошишига олиб келиши мумкин.
Бу ҳақда Венгрия бош вазири Виктор Орбан Facebook’даги саҳифасида ёзди.
Унинг таъкидлашича, Венгрия ҳукумати бунга жавобан мамлакат энергетика компаниялари билан шошилинч маслаҳатлашувлар ўтказган.
«Биз Венгрия энергетика секторидаги асосий иштирокчилар билан Венгрияни Венесуэла инқирози оқибатларидан ҳимоя қилиш учун маслаҳатлар ўтказдик, бу эса нархларнинг ошишига олиб келиши мумкин. Венгрия ҳукумати бу борада ишламоқда», – дея қайд этди Орбан.
Шу билан бирга, у АҚШнинг Венесуэладаги ҳарбий ҳаракатларига ҳеч қандай сиёсий баҳо беришдан тийилиб, у ерда Венгрия фуқаролари жабрланмаганини таъкидлади.
