Tesla биринчи марта электромобиллар савдоси бўйича етакчиликни йўқотди
Америкалик тадбиркор Илон Маск бошчилигидаги Tesla 2025 йилда биринчи марта Хитойнинг BYD компаниясига глобал электромобиль сотиш бўйича етакчиликни йўқотди.
Бу ҳақда Bloomberg агентлиги хабар бермоқда.
Агентлик маълумотларига кўра, Тесланинг электр транспорт воситаларини етказиб бериш ҳажми кетма-кет иккинчи йил камаймоқда; ўтган йили улар тахминан 9% га камайди. Шу билан бирга, Хитой автомобиль ишлаб чиқарувчиси кетма-кет бешинчи чоракда ўсишни кузатди.
Агентлик Америка компаниясининг муаммоларини Tesla Y моделининг янгиланиши билан боғлайди, бу эса унинг заводларида ишлаб чиқаришни қайта ташкил этишни талаб қилди. BYD шунингдек, америкалик рақобатчига қараганда анча кенгроқ модель диапазонига эга. Бундан ташқари, Хитой компаниясининг аксарият электромобиллари Teslaнинг энг машҳур моделлари Model Y ва Model 3дан арзонроқдир. Агентлик ҳисоб-китобларига кўра, Маскнинг сиёсий фаолияти, Республикачилар партияси ва АҚШ президенти Дональд Трампга яқинлиги ҳамда ҳукумат самарадорлигини назорат қилиш идораси (DOGE) устидан назорати Tesla фаолиятига салбий таъсир кўрсатган.
Bloomberg таъкидлашича, BYD Америка бозорида тақдим этилмайди ва Хитойда кучли рақобат муҳитида ишлайди.
