Венесуэлада халққа қурол тарқатиш бошланди
Венесуэлада АҚШнинг эҳтимолий ҳужумига қарши туриш учун халққа қурол тарқатиш бошланди.
Бугун Каракасда қурол тарқатиш пунктида маҳаллий «коллективос» (касаба уюшмаси, жамоат ташкилоти ва милиция аралашмаси) ҳодимларига қуроллар тарқатилди.
Аввалроқ, собиқ президент Мадуро анъанавий бўлмаган урушни олиб бориш учун номунтазам партизан бўлинмаларини шакллантириш тўғрисида фармойиш берган эди. Бу кучлар АҚШ томонидан бўлиши мумкин бўлган ҳарбий тажовузга қарши туришга мўлжалланган.
Президент Трамп агар Венесуэланинг ҳозирги ҳукумати АҚШ билан келишиб иш юритмаса қайта ҳужум қилиш билан таҳдид қилган. Ҳозирги ҳукумат эса айнан шу сиёсатни танлади.
