АҚШ Федерал захира тизими раҳбари Пауэлл Адлия вазирлиги уни жиноий жавобгарликка тортиш билан таҳдид қилаётганини маълум қилиб, буни амалдаги маъмуриятнинг босими билан боғлади
“Жиноий таъқиб таҳдиди — ФЗТ фоиз ставкаларини президентнинг хоҳиш-истакларига қараб эмас, балки жамоат манфаатларига мос келадиган энг мақбул баҳоларимиз асосида белгилаётгани натижасидир”, — деди у.
Пауэлл ушбу таҳдидларни ФЗТ тарихий биноларини реконструкция қилиш бўйича кўп йиллик лойиҳа юзасидан Сенатда берган аввалги кўрсатмалари билан боғлади. Трамп (Пауэллнинг асосий танқидчиси) ушбу лойиҳани “қурилиш тарихидаги энг лаёқатсиз ёки коррупциялашган реконструкциялардан бири” деб атаган эди.
