Кимлар машинада хавфсизлик камарини тақмаслик ҳуқуқига эга?
Хавфсизлик камари тақишдан озод этиладиган шахслар рўйхати тасдиқланди.
Соғлиқни сақлaш вазирининг янги буйруғи билан ( 2026 йил 13 январ) саломатлиги хавфсизлик камари тақиш имконини бермайдиган шахслар рўйхати расман тасдиқланди.
Рўйхатга жами 20 турдаги касаллик ва ҳолатлар киритилган:
Жароҳатлар ва синишлар: ўмров, тўш суяги, елка камари, қовурғалар ва умуртқа поғонасининг синиши ҳолатларида.
Нафас олиш тизими: ўпканинг сурункали обструктив касаллиги ва бронхиал астманинг IV босқичи, шунингдек, ўпканинг бир қисми ёки биттаси бутунлай олиб ташланган ҳолатлар.
Юрак-қон томир тизими: Сурункали юрак етишмовчилигининг III ва декомпенсация босқичи, оғир инфаркт ва ишемия ҳолатлари.
Жисмоний ҳолатлар: III даражали (морбид) семизлик (ТМИ 40 дан юқори).
Бўйи 150 сантиметрдан паст бўлган шахслар (нанизм).
Бу ҳуқуқдан фойдаланиш учун тиббиёт муассасаларидан махсус QR-кодли электрон маълумотнома олиш керак бўлади.
Одатда маълумотнома 1 йил муддатга берилади. Айрим ҳолатларда бу муддат ўзгариши мумкин.
