Россияда мигрантлар учун катта ўзгаришлар: янги тўловлар ва тартиблар кутилмоқда
Россия Ички ишлар вазирлиги (МВД) томонидан ишлаб чиқилган янги лойиҳага кўра, 2027–2029 йилларда мамлакатнинг 87 та ҳудудида чет эллик ишчиларни ташкилий равишда ишга қабул қилиш (оргнабор) бўйича янги эксперимент ўтказилади. Ушбу тизим доирасида ишга жойлашишнинг бошқа барча усуллари тақиқланиши кўзда тутилган.
Янги тартибга кўра, мигрантлар учун бир қатор пуллик процедуралар ва давлат божлари жорий этилади. Хусусан, Россияга келгандан сўнг ташриф мақсадини «меҳнат фаолияти»га ўзгартириш учун 30 000 рубль миқдорида бож тўлаш керак бўлади. Бундан ташқари, чет эллик ишчига бериладиган махсус идентификация картаси учун 5 000 рубль ундирилади.
Иш берувчилар ҳам янги харажатларга дуч келадилар: ташкилотларни реестрга киритиш 15 000 рубль, жисмоний шахслар учун эса 1 000 рубль этиб белгиланмоқда. Шунингдек, агар мигрант хусусий шахс қўлида ишлаб, иш жойини (субъектни) ўзгартирмоқчи бўлса, яна 10 000 рубль тўлашига тўғри келади.
