Uzbekistan Airways самолёти двигатели ишламай қолгани сабабли Красноярскка мажбуран қўнди

Uzbekistan Airways авиакомпаниясининг Boeing 767 самолёти 21 январ куни Тошкент – Владивосток йўналиши бўйича учиб бораётганида фавқулодда ҳодиса юз берди. Экипаж биринчи двигателнинг ишламай қолиши сабабли Россиянинг Красноярск шаҳри аэропортига фавқулодда қўнди. Самолёт бортида 101 нафар йўловчи, 5 нафар экипаж аъзоси ва 16 нафар борт кузатувчиси бўлган. Ҳеч ким жабрланмаган.

Самолёт техник кўрикдан ўтказилгунга қадар парвозлардан четлатилган.