Жа-а, жонга тегди!!!
«КИЕВНИ УЧ КУНДА!!!»
Зеленский ва Украина масаласи ҳамманинг жонига тегиб бўлди. Трамп нима деганди: «Путин урушни тўрт йилдан бери чўзиб юрибди. Мен бир ҳафтада тинчитардим!» «Киевни уч кунда оламиз деганди!» – каби пичинглар биринчи йили кулгу уйғотарди. Гарчи бу гап Кремль расмийлари тарафидан айтилмаган бўлса ҳам. Аммо, иккинчи, учинчи йилга чўзилгач, бу киноя энди ўзларининг ҳам асабини ўйнатадиган бўлди. Чўзилаётган ҳам бир йил, ой Ғарбнинг, ҳатто Украинадаги аҳолининг ўзига ҳам ёқмаяпти.
Фронт олдинга секин силжигани билан Укаринадаги жангга яроқли аҳолини оханрабодек ўлим майдонига тортиб кетмоқда. Иложини топганлар Европага қочмоқда. Икки-уч томонлама талофот кўрилмоқда. Зеленский қаҳрамондан антиқаҳрамонга айланиб бўлди.
Трамп Путин билан Аляскада учрашганида-ёқ қулоғига ҳарбий операциянг жонга тегди, росмонасига уруш олиб боргин, дея шипшиган ва бошқалар кўзига: «Путиндан ихлосим қайтди, Зеленский ва Украинага ҳурматим ошди, Томогавклар берсам улар 1991 йил сарҳадларига қўшиб, Россиянинг ҳудудларини ҳам ола билади!» – дея пишанг бериб қўйди хўжа-кўрсинга.
Путин эса Трампнинг бу гапларини қўлингдан келганин қилу, Зеленскийни тезроқ музокалар столига ўтқаз деган сигнал сифатида кўриб, шу пайтгача қилмаган иши – Украинанинг барча энерготизимини, газомборини ўққа тутиб чиқди. Украинада қаҳратон қиш кунида блакаут юз берди. Бу ёқда Трамп одамларни чалғитиш учун Гренландия – бир бўлак музга муҳаббат васвасасини қўзғаб, Евроиттифоқ орасига яхшигина ихтилоф солди.
Трамп худди сичқонни тутиб олган Бароқмушукдек Зеленскийни ўйин қилмоқда. Давос форумига келишидан олдин расмийлари Трамп форумда бирорта раҳбар билан юзма-юз, теа-а-тет гаплашмайди, дея баёнот беришганди. Давосга учаётган Зеленский Киевда қолди: «Мен блакаутдан қийналаётган ҳалқим билан бирга бўлишим керак!» Трамп Давос минбарида туриб, худди Зеленский Киевда қолганини билмагандек: «Мен Украина борасида ечим олиб келдим, Зеленский залда ўтирган бўлса, мен у билан учрашмоқчиман!» – деди. Шу заҳоти Зеленский совуқда қийналаётган халқини ҳам унутганча, Давосга учиб борди. Давос минбаридан туриб, Европани салатга ўхшатди, Путинни шу пайтгача Гаага судига Трамп-баҳодир қилгани каби, ўғирлаб бўлсаям олиб келиша олмаётгани Европани латтаси-рлар деди, хулласи уруш оловига роса мой қуйди. Трамп билан якка суҳбати ҳеч қандай ижобий натижага олиб келгани йўқ.
Трампнинг хаёли янги лойиҳаси – «Тинчлик кенгаши»га аъзолар ва пул йиғиш билан банд. Бу лойиҳада Украинага ўрин йўқ ва асосий мавзу урушни тўхтатиш, уни давом эттирмаслик бўлиб турибди.
Путин Россиясини урушолмайдиган даражага келтиришдан кўра, Украинани уруша олмайдиган ҳолга келтириш арзонроққа тушар экан. Урушни теплица шароитида, инерт тарзда давом эттириш Украина миллатининг йўқ бўлиб кетишига сабаб бўлиши мумкин.
Юлия Тимошенко ўладиган ҳўкиз болтадан қайтмас тарзда, суддаги нутқида: «Ҳозирги фашистик режим Украинани ўлимга бошлаб бормоқда. Тез орада Украина гимни, герби, байроғи, дунёга тарқалиб кетган халқига эга давлат бўлади, ўзи эса мавжуд бўлмайди!» – дея иддао қилди. Ҳозир Украина ичидан бир-бирига қарши фракйияларга бўлиниб кетмоқда. Зеленский ўтган беш-олти йил ичида Киев мэри Кличко билан бирор марта учрашув ўтказмаганини нима билан изоҳлаш мумкин. Кличконинг кўпқаватли укйларда яшайдиган киевликларни вақтинча қишлоқлардаги қариндошлариникида қишлаб келишни маслаҳат бергани Зеленскийнинг жаҳлини чиқарди.
Ўз вақтида Москвани ҳам халқи ташлаб чиққан ва ёқиб юборганча Намолеонга топширишган эди. Наполеон армияси икки ой ичида Маскавни ташлаб, чекинишган. Тўрт юз минглик Жамоавий Ғарб армиясидан Парижга бор-йўғи йигирма мингта атрофидагиси тирик етиб ололган, ҳолос.
Оллоёр Хўжандий
